समाचारहरू

जिल्लामा रहेका १ सय २० मतदान स्थलमध्ये ३१ ओटा मतदान स्थल सम्वेदनशील रहेको जिल्ला सुरक्षा समितिले जनाएको छ ।

चुनाव लक्षित सुरक्षा व्यवस्थालाई मजवुद बनाउन जिल्लाका विभिन्न मतदान केन्द्रलाई वर्गिकरण गरी सोही अनुसारको सुरक्षा व्यवस्था मिलाइएको प्रमुख जिल्ला अधिकारी तुलसीराम पौडेलले जानकारी दिए ।

जिल्लाको विकट क्षेत्रमा रहेका र खुल्ला सीमाका कारण हुन सक्ने अपराधिक घटनालाई मध्यनजर गर्दै मतदान केन्द्रको सुरक्षा स्थितिको वर्गिकरण गरिएको प्रजिअ पौडेलले बताए ।

सुरक्षा सम्वेदनशीलताको हिसाबमा जिल्लामा अति सम्वेदनशील मतदान केन्द्र भने नरहेको बताइएको छ । बैतडीमा १ सय २० मतदानस्थल एवम् १ सय ७४ मतदान केन्द्र तय गरिएको छ । चार नगरपालिका र ६ गाँउपालिका रहेको बैतडीमा १ लाख २४ हजार ८ सय २४ जना मतदाता रहेका छन् ।

नरी बडु