बेचबिखन प्रयास घटनाका आरोपितविरुद्ध प्रहरीमा उजुरी

  ०७७ फागुन १८ गते

१६ वर्षीया दुई बालिकालाई बेचबिखन तथा ओसारपसारको प्रयास गरेको आरोपमा पीडित पक्षले दैलेख जिल्ला चामुन्दा बिन्द्रासैनी  नगरपालिका—५ का ३१ वर्षीय प्रेम कार्की, २८ वर्षीया चन्द्रिका आचार्य कार्की, २७ वर्षीया कृष्णा  कार्की  र २१ वर्षीय दण्डप्रसाद आचार्यविरुद्ध जिल्ला प्रहरी  कार्यालय, कैलालीमा फागुन १७ गते उजुरी दिएका छन् ।

भारतको बैङ्गलौर लैजानका लागि बालिकाहरुलाई धनगढी उपमहानगरपाकिा—४ स्थित अछाम होटेलमा राखिएको सूचना प्राप्त भएपछि फागुन १४ गते पीडित बालिकाहरुको उद्धार गरिएको जिल्ला प्रहरी कार्यालय, कैलालीका डिएसपी प्रतिक विष्टले बताउनु भयो ।

पीडितका आफन्त आएपछि आरोपितविरुद्ध बेचबिखन तथा ओसारपसारको कसुरमा फागुन १७ गते मुद्दा दर्ता गरी आरोपितहरुको खोजीकार्य भइरहेको डिएसपी विष्टले बताउनु भयो ।

पीडितहरुको स्वास्थ्य परीक्षण फागुन १७ गते सेती प्रादेशिक अस्पताल, धनगढीमा गरी आफन्तको जिम्मा लगाइएको डिएसपी बिष्टले बताउनु भयो ।


मैनामोती चौधरी