बाल विवाह बढेकोमा सरोकारवालाद्वारा चिन्ता व्यक्त

  ०७३ मङ्सिर ५ गते

अन्तर्राष्ट्रिय बाल दिवसको अवसरमा मङ्सिर ५ गते आयोजित अर्न्तक्रिया कार्यक्रमका सहभागी सरोकारवालाहरूले जिल्लामा बाल विवाह अत्याधिक रूपमा बढेकोमा चिन्ता व्यक्त गरेका छन् ।

कार्यक्रममा जिल्ला बालकल्याण समितिका अधिकृत मानवीर ओलीले जिल्लामा बाल विवाहको अवस्था ५७ प्रतिशत रहेको तथ्याङ्क सार्वजनिक गरेका थिए ।

यो तथ्याङ्क प्रत्येक वर्षबढेकोप्रति सरोकारवालाहरूले चिन्ता व्यक्त गर्दै बाल विवाहसम्बन्धी सञ्चालित अभियानप्रति नै शङ्का उत्पन्न भएको बताए ।

सबैभन्दा बढी बाल विवाह गर्ने गाविसमा गोतामकोट रहेको बताउँदै बालकल्याण अधिकृत ओलीले उक्त गाविसमा ७२ प्रतिशत बाल विवाह हुने गरेको जानकारी दिए ।

महिला तथा बालबालिका कार्यालय रूकुमका कार्यालय प्रमुख पुष्पा रिजालले जिल्लामा बढेको बालविवाह रोक्नु सबै सरोकारवाला निकायहरूको लागी चुनौतीको विषय बनेको बताइन् ।

यसरी बढीरहेको बाल विवाहले समाजलाई समेत दीर्घकालिन रूपमा असर गर्ने रूकुममा प्रमुख जिल्ला अधिकारी बंशीकुमार आर्चायले बताए ।


आदर्श केसी