बालविवाह घटनाका आरोपित गिरफ्तार

  ०७६ कात्तिक ३० गते

१४ वर्षीया बालिकालाई विवाह गरेर घरमा भित्र्याउन लागेको बेलामा प्रहरीले तादी गाउँपालिका–२ का २१ वर्षीया उसन जिम्बा तामाङसहित बालिकालाई पनि कात्तिक २९ गते गिरफ्तार गरेको छ ।

कानुनले बालविवाहलाई निषेध गरेकाले बालविवाहमा संलग्न दुवै जनालाई गिरफ्तार गरिएको जिल्ला प्रहरी कार्यालयका इन्स्पेक्टर विष्णु फुँयालले बताए । बाल विवाह भएको थाहा पाएर स्थानीयले प्रहरीलाई जानकारी दिएपछि प्रहरी घटनास्थल पुगेको थियो ।

उसनलाई बाल विवाह कसुर र बालिकालाई बालविज्याइँमा मुद्दा दर्ता गरी अनुसन्धान प्रक्रिया अघि बढाएको प्रहरीले जनाएको छ ।


नवदीप श्रेष्ठ