बलात्कार प्रयास घटनाका आरोपित गिरफ्तार

  ०७३ भदौ ३० गते

२१ वर्षीया महिलालाई बलात्कार प्रयास गरेको आरोपमा कञ्चनरुप नपा–७ रुपनगरका २४ वर्षीय हेमराज यादवलाई प्रहरीले भदौ २९ गते गिरफ्तार गरेको छ ।

पीडित महिलाका बुवाले इलाका प्रहरी कार्यालय कञ्चनरुपमा आरोपितविरुद्ध भदौ २९ गते उजुरी दिएपछि अनुसन्धानका लागि गिरफ्तार गरिएको जिल्ला प्रहरी कार्यालयका इन्स्पेक्टर गौरव महतले जानकारी दिए ।

पीडित महिलालाई भदौ २७ गते बलात्कार प्रयास गरेको आरोपमा प्रहरीमा उजुरी आएको इन्स्पेक्टर महतले बताए ।

पीडित महिलाको स्वास्थ्य परीक्षण ०७३ भदौ २९ गते कञ्चनरुपस्थित प्राथमिक स्वास्थ्य केन्द्रमा गरिएको पनि प्रहरीले जनाएको छ ।


मनोहरकुमार पोखरेल