बलात्कार प्रयास घटनाका आरोपित गिरफ्तार

  ०७७ माघ २९ गते

१७ वर्षीया बालिकालाई बलात्कार प्रयास गरेको आरोपमा प्रहरीले आरोपमा विराटनगर महानगरपालिका–२ का ६० वर्षीय ज्ञानु प्रधानलाई माघ २८ गते गिरफ्तार गरेको छ ।

पीडित बालिकालाई आरोपितले माघ २८ गते बलात्कार प्रयास गरेको आरोपमा पीडित पक्षले आरोपितविरूद्ध सोही दिन जिल्ला प्रहरी कार्यालयमा उजुरी दिएको थियो ।

पीडित बालिकाका बाबुले घर बिक्री गर्ने भनेपछि दिउँसो घर हेर्न भनि पुगेका आरोपित साँझ पीडितको घर गएर हातपात गर्दैं बलात्कारको प्रयास गरेको पीडित पक्षको आरोप छ ।

पीडित पक्षको उजुरीका आधारमा आरोपितलाई अनुसन्धानका लागि गिरफ्तार गरेको जिल्ला प्रहरी कार्यालयका डिएसपी लोकदर्शन थापाले इन्सेक प्रतिनिधिसँगको फोन सम्पर्कमा बताउनु भयो ।

पीडित बालिकाको स्वास्थ्य परीक्षण कोशी अस्पतालमा माघ २९ गते गरिएको छ ।


नेत्रप्रसाद अधिकारी