समाचारहरू

३१ वर्षीया महिलालाई बलात्कार प्रयास गरेको आरोपमा प्रहरीले पाथीभरा याङवरक गाउँपालिका–१ नाङ्खोल्याङका २६ वर्षीय ईश्वर भन्ने मिथुन भुजुवारलाई असोज २९ गते गिरफ्तार गरेको छ ।

पीडित महिलालाई आरोपितले ०७५ असोज २५ गते बलात्कार प्रयास गरेको आरोपमा पीडितले आरोपितविरूद्ध ०७५ असोज २७ गते जिल्ला प्रहरी कार्यालयमा उजुरी दिएको थियो ।

पीडित पक्षको उजुरीपछि फरार भएका आरोपितलाई असोज २९ गते गिरफ्तार गरेको जिल्ला प्रहरी कार्यालयका डिएसपी महेन्द्रकुमार श्रेष्ठले इन्सेक प्रतिनिधिसँगको फोन सम्पर्कमा बताउनु भयो ।

पीडित महिलाको स्वास्थ्य परीक्षण जिल्ला अस्पतालमा ०७५ असोज २७ गते गरिएको थियो ।

देवराज गुरुङ