बलात्कार प्रयास घटनाका आरोपितविरुद्ध प्रहरीमा उजुरी

  ०७७ असोज ५ गते

१९ वर्षीया महिलालाई गत भदौ ३० गते बलात्कार प्रयास गरेको आरोपमा सुरुङ्गा नपा–५ का २० वर्षीय मोहम्मद सहादतविरुद्ध इलाका प्रहरी कार्यालय कडरबोनाले असोज ४ गते उजुरी दर्ता गरेको छ ।

पीडितले असोज ३ गते दिएको उजुरीका आधारमा आवश्यक अनुसन्धान पश्चात उजुरी दर्ता गरिएको इलाका प्रहरी कार्यालय कडरबोनाका इन्स्पेक्टर रामराजा केशरीले जानकारी दिनु भयो ।

पीडितको स्वास्थ्य परीक्षण राजविराजस्थित गजेन्द्रनारायण सिंह अस्पतालमा असोज ३ गते भएको छ । आरोपित फरार रहेकोले खोजी कार्य भइरहेको इन्स्पेक्टर केशरीले बताउनु भयो ।


मनोहरकुमार पोखरेल