समाचारहरू

२९ वर्षीय महिलालाई बलात्कार प्रयास गरेको आरोपमा प्रहरीले छायाँनाथ रारा नपा -२ का ३१ वर्षीय बिष्णु रावतलाई भदौ २७ गते गिरफ्तार गरेको छ ।

आरोपितले छायाँनाथ रारा नपा -३ लामाचौर स्थित होटलमा बलात्कार गर्न खोजेको भन्दै पीडितले प्रहरीलाई फोन मार्फत जानकारी दिएपछि रावतलाई घटनास्थलबाटै गिरफ्तार गरिएको जिल्ला प्रहरी कार्यालयका डिएसपी चित्रबहादु भट्टराइले इन्सेक प्रतिनिधिलाई बताउनुभयो ।

डिएसपी भट्टराइका अनुसार पीडितले आरोपित विरूद्ध जिल्ला प्रहरी कार्यालयमा भदौ २८ गते बलात्कार प्रयास आरोपमा उजुरी दर्ता गराउनु भएको छ ।

पीडित महिलाको स्वास्थ्य परीक्षण जिल्ला अस्पतालमा भदौ २७ गते गरिएको अस्पताल प्रमुख निर्मल नगरकोटीले जानकारी दिनुभयो ।

जीवन सेजुवाल