बलात्कार प्रयास घटनाका आरोपित गिरफ्तार

  ०७७ भदौ २७ गते

नवलपरासी पश्चिम प्रतिनिधि नारायण पराजुलीका अनुसार १८ वर्षीया युवतीलाई बलात्कार प्रयास गरेको आरोपमा प्रहरीले रामग्राम नपा–१४ अम्रोटका  ४० वर्षीय गोरखप्रसाद हरिजनललाई भदौ २७ गते गिरफ्तार गरेको छ ।

पीडितलाई आरोपितले भदौ २६ गते  बलात्कार प्रयास गरेको भन्दै ०७७ भदौ  २७ गते पीडितले  जिल्ला प्रहरी कार्यालयमा उजुरी दिएको डिएसपी राजु लामाले इन्सेक प्रतिनिधिसँगको फोन सम्पर्कमा बताउनु भयो ।

पीडितको स्वास्थ्य परीक्षण भदौ २७ गते  पृथ्वीचन्द्र जिल्ला अस्पतालमा  गरिएको छ ।

रुपन्देही प्रतिनिधि रीमा बिसीका अनुसार १७ वर्षीया बालिकालाई अपहरण शरीर बन्धक बनाएर  बलात्कार गरेको आरोपमा प्रहरीले लुम्बिनी सांस्कृतिक नपा–९ का २२ वर्षीय अब्दुल हकिन मुसलमानलाई  भदौ २४ गते गिरफ्तार गरेको छ ।

आरोपितले पीडित बालिकालाई अपहरण गरी भारतको गोरखपु्रमा लगी बन्धक बनाएर बलात्कार गरेको भनी पीडित बालिकाले भदौं २२ गते इलाका प्रहरी कार्यालय लुम्बिनीमा उजुरी दिनुभएको थियो ।

पीडितलाई आरोपितले भदो २० गते अपहरण शरीर बन्धक बनाएर भारतको गोरखपुरमा लगेर बलात्कार गरेको भन्दै  पीडितपक्षले भदौ २२ गते इलाका प्रहरी कार्यालयमा उजुरी दिएको सई डेलम्बर घिमिरेले बताउनु भयो । उक्त कसुरमा कारबाही अगाडि बढाएको  सई डेलेम्बर घिमिरेले इन्सेक प्रतिनिधिसँगको फोन सम्पर्कमा बताउनु भयो ।

पीडितको स्वास्थ्य परीक्षण भदौ २३ गते भीम अस्पताल, भैरहवामा गरिएको छ ।


इन्सेक प्रदेश ५ कार्यालय, नेपालगञ्ज