बलात्कार प्रयास घटनाका आरोपित गिरफ्तार

  ०७६ मङ्सिर १० गते

३० वर्षीया महिलालाई बलात्कार प्रयास गरेको आरोपमा प्रहरीले काठमाडौँ जिल्ला काठमाडौँ महानगरपालिका–३२ पेप्सीकोला घर भइ ललितपुर महानगरपालिका–१८, नख्खुस्थित मेडिसिटी अस्पतालमा कार्यरत डा.रोहितकुमार झालाई ०७६ मङ्सिर ९ गते गिरफ्तार गरेको छ ।

पीडित महिलालाई आरोपितले मङ्सिर ८ गते अस्पतालमा स्वास्थ्य परीक्षण गराउन गएकी महिलालाई बलात्कार प्रयास गरेको पीडित महिलाले बताउनु भएको छ ।

पीडित महिलाले मङ्सिर ९ गते महानगरीय प्रहरी परिसर जावलाखेलमा उजुरी दिएको प्रहरीले जनाएको छ ।

पीडितको उजुरीका आधारमा आरोपितलाई मङ्सिर ९ गते गिरफ्तार गरिएको महानगरीय प्रहरी परिसर जावलाखेलका डिएसपी सन्तोष तामाङले बताउनु भयो ।

पीडित महिलाको स्वास्थ्य परीक्षण मङ्सिर ९ गते पाटन अस्पताल ललितपुरमा गरिएको अस्पतालले जनाएको छ ।


दीपकप्रसाद घिमिरे