बलात्कार प्रयास घटनाका आरोपित गिरफ्तार

  ०७३ असोज ६ गते

३५ वर्षीया एक महिलालाई बलात्कार प्रयास गरेको आरोपमा भर्ता गाविस-१ का २८ वर्षीय धोजे विकलाई जिल्ला प्रहरी कार्यालय कालिकोटले असोज ५ गते गिरफ्तार गरेको जनाएको छ ।

पीडित महिलालाई आरोपितले असोज ५ गते बलात्कार प्रयास गरेको आरोपमा प्रहरीलाई मौखिक उजुरी गरपछि उजुरीका आधारमा आरोपितलाई अनुसन्धानका लागि गिरफ्तार गरिएको जिल्ला प्रहरी कार्यालयका डिएसपी योगेन्द्र खड्काले जानकारी दिए ।

पीडित महिलाले असोज ६ गते जिल्ला प्रहरी कार्यालयमा बलात्कार प्रयास गरेको आरोपमा लिखित उजुरी दिएकी छन् । पीडित महिलाको स्वास्थ्य परीक्षण असोज ६ गते जिल्ला अस्पतालमा गरिएको पनि प्रहरीले जनाएको छ ।


कालीबहादुर मल्ल