बलात्कार प्रयास गरेको ठहरमा दुई वर्ष ६ महिना कैदको फैसला

  ०७३ असोज ७ गते

४९ वर्षीया एकल महिलालाई बलात्कार प्रयास गरेको आरोपमा थुनामा रहेका मौवाहा गाविस-९ का १८ वर्षीय विनोदकुमार चौधरीलाई जिल्ला अदालतले असोज ६ गते दुई वर्ष ६ महिना कैद सजायको फैसला गरेको छ ।

न्यायाधीश शङ्करबहादुर राईको इजलासले पूपर्क्षका लागि ०७३ वैशाख २१ गतेदेखि राजविराज कारागारमा थुनामा रहेका आरोपितलाई कैद सजायको फैसला गरेको अदालतका श्रेस्तेदार नरेन्द्रकुमार श्रेष्ठले बताए ।

पीडित महिलालाई ०७२ चैत २५ गते बलात्कार प्रयास गरेको आरोपमा पीडितले इलाका प्रहरी कार्यालय कडरबोनामा चैत २६ गते उजुरी दिएकी थिइन् । पीडित महिलाको स्वास्थ्य परीक्षण राजविराजस्थित गनासिं सगरमाथा अञ्चल अस्पतालमा चैत २६ गते गरिएको थियो ।


मनोहरकुमार पोखरेल