समाचारहरू

२१ वर्षीया महिलालाई बलात्कार प्रयास गरेको कसुरमा भरतपुर महानगरपालिका–४ का ४८ वर्षीय लिलाप्रसाद पौडेललाई जिल्ला अदालतले मङसिर ३० गते चार वर्ष कैद सजाय हुने फैसला गरेको छ ।

न्यायाधीश केशव अधिकारीको इजलासले बौद्धिक अपाङ्गता भएकी महिलालाई ०७७ जेठ २४ गते बलात्कार प्रयास गरेको कसुरमा उक्त फैसला गरेको हो ।

पीडितका बुबाले जेठ २५ गते जिल्ला प्रहरी कार्यालयमा बलात्कारको आरोपमा पौडेलविरुद्ध उजुरी दिनुभएको थियो । आरोपित पौडेललाई जेठ २५ गते प्रहरीले गिरफ्तार गरी अदालतको आदेशले पुर्पक्षका लागि कारागार पठाएको थियो ।

पीडित महिलाको स्वास्थ्य परीक्षण जेठ २५ गते भरतपुर अस्पतालमा गरिएको थियो ।

दिपेन्द्र अधिकारी