बलात्कार प्रयास गरेको कसुरमा चार वर्ष कैद फैसला

  ०७६ जेठ ३० गते

२८ वर्षीया महिलालाई बलात्कार प्रयास गरेको कसुरमा फालेलुङ गाउँपालिका–८ का ४६ वर्षीय पदमसुन्दर केरुङविरुद्ध जिल्ला अदालतले जेठ २९ गते चार वर्ष कैदको फैसला गरेको छ ।

न्यायाधीश मनोज केसीको इजलासले कसुरदारबाट पीडितलाई ३० हजार रुपियाँ क्षतिपूर्ति भराउन समेत फैसला गरेको अदालतका सूचना अधिकारी याम चौहानले बताए ।

फैसला अनुसार कसुरदारलाई कैद भूक्तान गर्न कारागार चलान गरिएको सूचना अधिकारी चौहानले जानकारी दिए ।

केरूङ ०७५ असोज ७ गतेदेखि पूर्पक्षका लागि कारागारमा रहेका थिए । पीडितलाई भदौ १३ गते बलात्कार प्रयास गरेको भन्दै आरोपितलाई प्रहरीले भदौ १४ गते गिरफ्तार गरेको थियो ।

पीडित महिलाको स्वास्थ्य परीक्षण असोज १५ गते जिल्ला अस्पतालमा गरिएको थियो । पीडितले सोही दिन आरोपितविरूद्ध जिल्ला प्रहरी कार्यालयमा उजुरी दिएकी थिइन् ।


मङ्गल बेघा