यौन दुर्व्यवहार गरेको कसुरमा १२ वर्ष ६ महिना कैद सजायको फैसला

  ०७६ फागुन १३ गते

सात वर्षीया बालिकालाई यौन दुर्व्यवहार गरेको कसुरमा साँफेबगर नपा–४ का २२ वर्षीय मदन वादीलाई जिल्ला अदातलत,अछामले १२ वर्ष ६ महिना कैद सजायको फैसला सुनाएको छ ।

जिल्ला न्यायाधीस नविनकुमार जोशीको इजलासले फागुन १२ गते कैद सजायसहित १० हजार रुपियाँ क्षतिपुर्तिको  फैसला सुनाएको हो ।

आरोपित वादीलाई जिल्ला अदालतको ०७६ साउन ७ गतेको आदेश अनुसार  पुर्पक्षका लागि कारागार पठाएकोमा आरोपितले कसुर गरेको ठहर भएपछि फागुन १२ गते कैद भुक्तान गर्न कारागार चलान गरिएको न्यायाधीस जोशीले बताउनु भयो ।

०७६ असार १५ गते बालिकाको मुख छोपेर यौन दुर्व्यवहार गरेको आरोपमा आफन्तले इलाका प्रहरी कार्यालय,साँफेबगरमा वादीका विरूद्व उजुरी दिएपछि सोही दिन प्रहरीले गिरफ्तार गरेको थियो ।

बालिकाको असार १५ गते जिल्ला अस्पताल, मंगलसेनमा स्वास्थ्य परीक्षण भएको थियो ।

 


शिवराज ढुंगाना