बलात्कार घटनाबाट पीडित बालिका सम्पर्कविहीन, खोजिका लागि प्रहरीमा निवेदन

  ०७७ भदौ १७ गते

एक महिना अघि बलात्कारको घटनाबाट पीडित भएकी १४ वर्षीया बालिका भदौ १२ गतेबाट सम्पर्कविहीन भएको भन्दै बालिकाका बुवाले भदौ १३ गते इलाका प्रहरी कार्यालय थारमारेमा निवेदन दिनुभएको छ ।

बालिकाका बुवाले इन्सेक प्रतिनिधिसँग भन्नु भयो– ‘भदौ १२ गते दिनभरी परिवारसँगै भएकी छोरी साँझ आठ बजेतिर खाना खाएर कोठामा गएकी हो । केही समयपछि त्यहाँ नदेखेर जताततै खोजी गर्दा पनि नभेटेपछि प्रहरीलाई निवेदन दिएका छौं ।’

उजुरी आएसँगै बालिकाको खोजी गरिरहेको जिल्ला प्रहरी कार्यालय सल्यानका डिएसपी ढकेन्द्र खतिवडाले जानकारी दिनुभयो ।

बागचौर नपास्थित ब्राइट रोजल्याण्ड बोर्डिङ्ग स्कुलका प्रिन्सिपल ३६ वर्षीय रामचन्द्र केसीले बालिकालाई विभिन्न प्रलोभनमा पारेर पटक पटक बलात्कार गरेको भन्दै साउन ८ गते इलाका प्रहरी कार्यालय थारमारेमा पीडित पक्षले उजुरी दिएका थिए ।

बलात्कार घटनाका आरोपित पक्षले मुद्दालाई प्रभावित बनाउन अपहरण गरेको हुनसक्ने बालिकाका परिवारको आरोप छ ।


मिना बुढाथोकी