बलात्कार घटनाको कसुरमा चार वर्ष कैदको फैसला

  ०७५ चैत ३० गते

१३ वर्षीया बालिकालाई बलात्कार गरेको ठहर गर्दै जिल्ला अदालतले सिरहा नपा–१० का १९ वर्षीय विवेक कामतीलाई चैत २८ गते चारवर्ष कैदको फैसला गरेको छ ।

न्यायाधीश सुदर्शनराज पाण्डेको इजलासले सो फैसला गरेको सरकारी वकिल एकराज अधिकारीले बताए । अधिकारीका अनुसार पीडितलाई ५० हजार रुपियाँ क्षतिपुर्ति भराउने फैसला पनि भएको बताए ।

पीडित बालिकालाई ०७३ चैत २९ गते बलात्कार गरेको आरोपमा आरोपितविरूद्ध जिल्ला प्रहरी कार्यालय सिरहामा वैशाख १३ गते पीडितले उजुरी दिएकी थिइन् ।

पीडितको स्वास्थ्य परीक्षण जिल्ला अस्पताल सिरहामा वैशाख १३ गते भएको थियो । जिल्ला प्रहरी कार्यालय सिरहाले तत्काल आरोपित फरार भएपनि ०७३ पुस २० गते अदालतमा हाजिर भई, नाबालक प्रमाणपत्र पेश गरेपछि अदालतको आदेशमा परिवारको जमानीमा रिहा भएको जनाएको थियो ।


दुर्गा परियार