बलात्कार घटनाका पीडितलाई इन्सेकको सहयोग

  ०७७ असार २२ गते

बलात्कार पीडित ६ वर्षीया बालिकाको उपचार तथा कानुनी प्रक्रियामा सहयोग पु¥याउने उद्देश्यले इन्सेकले आर्थिक सहयोग प्रदान गरेको छ ।

०७७ असार १९ गते १६ वर्षीय बालकद्वारा बलात्कारको घटनामा पीडित बालिकाका अभिभावकले आर्थिक अवस्था कमजोर भएकोले न्यायको लागि सदरमुकाम आउन जान र खान बस्नको लागि समेत समस्या परेको बताएपछि असार २१ गते १० हजार रुपिँया सहयोग गरेको इन्सेक कर्णाली प्रदेश कार्यालय सुर्खेतका संयोजक नारायण सुवेदीले बताउनुभयो ।

उक्त रकम बुझ्दै बालिकाका बुवाले इन्सेकको सहयोगले आफूहरूलाई सदरमुकाम आउन, जान र खान, बस्नको लागि ठूलो टेवा पुग्ने भन्दै खुसी व्यक्त गरेका छन् ।

घटनाका आरोपित बालकलाई असार २० गते गिरफ्तार गरी रुकुम जिल्ला अदालतबाट ७ दिनको म्याद थप गरी अनुसन्धान अघि बढाइएको जिल्ला प्रहरी कार्यालयका डिएसपि ठग बहादुर केसीले जानकारी दिनुभयो ।


मनिषा केसी