बलात्कार घटनाका दोषीलाई कारबाहीको माग गर्दै प्रदर्शन

  ०७६ वैशाख २३ गते

बलात्कार घटनाका कारण पीडित भएकी बालिकालाई न्यायको माग गर्दै स्थानीय महिलाहरूले इलाका प्रहरी कार्यालय महेन्द्रनगरमा वैशाख २२ गते ढुङगामुढा गरेका छन् ।

प्रदर्शनकारी महिलाहरूको ढुङ्गामुढा प्रहारबाट इलाका प्रहरी कार्यालयको झ्यालका सिसा फुटेको प्रहरीले जनाएको छ ।

न्यायको माग गर्दै प्रदर्शनमा उत्रेका महिलाहरूले प्रहरी प्रशासन विरूद्ध नारावाजी गर्दै ढुङ्गामुढा गरेपछि प्रहरीले हस्तक्षेप गर्दा झडपसमेत भएको थियो ।

प्रदर्शनकारीहरूले गलत र कानुन विपरित मृत्युदण्ड दिनु पर्ने माग राखी सडक जाम गरी प्रदर्शन गरेको इलाका प्रहरी कार्यालय महेन्द्रनगरका इन्स्पेक्टर अमिर दहालले बताए ।

बाटो खाली गराउन र स्थितिलाई नियन्त्रणमा लिन समान्य लाठी चार्ज गरेको इन्स्पेक्टर दाहालले बताए । तर, कुनै महिलालाई लाग्ने गरी लाठी चार्ज नभएको उनको भनाई छ ।

१४ वर्षीया बालिकालाई क्षीरेश्वरनाथ नपा–५ का ३३ वर्षीय राजकुमार साहले वैशाख १५ गते बलात्कार गरेको भन्दै पीडित पक्षले वैशाख १६ गते इलाका प्रहरी कार्यालय महेन्द्रनगरमा उजुरी दिएको थियो ।

प्रहरीले आरोपित साहलाई वैशाख १६ गते नै गिरफ्तार गरी घटनाको अनुसन्धान गरिरहेको इन्स्पेक्टर दाहालले बताए ।

पीडित बालिकाको उपचार जनकपुर अञ्चल अस्पतालमास म्भव नभएपछि थप उपचारको लागि ललितपुर स्थित पाटन अस्पतालमा लगिएको प्रहरीले जनाएको छ ।


विनोदकुमार रविदास