बलात्कार घटनाका आरोपीत गिरफ्तार

  ०७३ पुस ५ गते

३१ वर्षीया महिलालाई बलात्कार गरेको आरोपमा जिल्ला प्रहरी कार्यालय सिरहाले सिरहा नपा-१२ का ३० वर्षीय मोहमद इलियास दफालीलाई पुस ४ गते गिरफ्तार गरेको छ ।

पीडित महिलालाई आरोपितले पुस २ गते बलात्कार गरेको आरोपमा पीडितले जिल्ला प्रहरी कार्यालय सिरहामा पुस ४ गते उजुरी दिएकी थिइन् ।

पीडित महिलाको उजुरीका आधारमा अनुसन्धानका लागि आरोपितलाई गिरफ्तार गरिएको जिल्ला प्रहरी कार्यालय सिरहाका एसपी शेखर कोइरालाले जानकारी दिए ।

पीडित महिलाको स्वस्थ्य परीक्षण जिल्ला अस्पताल सिरहामा पुस ४ गते गरिएको प्रहरीले जनाएको छ ।


दुर्गा परियार