बलात्कार घटनाका आरोपित गिरफ्तार

  ०७७ जेठ ७

१९ वर्षीया  किशोरीलाई एक वर्ष अगाडी दुर्गाथली गाउँपालिका – ४ का ३० वर्षीय शिक्षक बसन्त ओली र शिवराज ओलीले बलात्कार गरी फरार रहेको आरोपमा जेठ ६ गते आरोपितमध्येका बसन्त ओलीलाई प्रहरीले गिरफ्तार गरेको छ ।

घटनाका बारेमा कसैलाई जानकारी गराएको खण्डमा शिक्षकद्धयले मार्ने धम्की दिएकोले आफूले लामो समयसम्म कसैलाई पनि जानकारी गराउन नसकेको पीडित किशोरीको भनाइ छ । शिक्षकद्धयले बलात्कार गरेपछि आफू गर्भवती हुनगइ हाल बच्चा समेत जन्मिएकाे पीडितले बताउनु भयाे ।

पीडित किशोरीले आफूमाथि बलात्कार भएको भन्दै गत  फागुन १२ गते जिल्ला प्रहरी कार्यालयमा उजुरी दिएको भए पनि आरोपितद्धय ओली फरार रहेका कारण उहाँहरुको खोजीकार्य भइरहको र आरोपितमध्येका बसन्त ओली घरमा लुकिरहेको सूचना प्राप्त भएपछि गिरफ्तार गरी अनुसन्धान भइरहेको जिल्ला प्रहरी कार्यालयका डिएसपी गणेश बलमे बताउनु भयो ।

घटनाका अर्का आरोपित शिवराज ओली भने फरार रहेको र उहाँको खोजीकार्य भइरहेको प्रहरीले जनाएको छ ।

 


रमेश केसी