समाचारहरू

१५ वर्षीया बालिकालाई बलात्कार गरेको आरोपमा पीडितपक्षले शुद्धोधन गाउँपालिका–१ का ३२ वर्षीय सुनिलकुमार दुबेविरूद्ध जेठ १६ गते जिल्ला प्रहरी कार्यालयमा उजुरी दिएको छ ।

पीडितलाई आरोपितले जेठ १३ गते बलात्कार गरेको भन्दै उजुरी आएको जिल्ला प्रहरी कार्यालयका डिएसपी धर्मराज भण्डारीले बताउनु भयो । उहाँले आरोपितको खोजी भइरहेको बताउनु भयो ।

पीडितको स्वास्थ्य परीक्षण जेठ १५ गते कपिलवस्तु अस्पताल, तौलिहवामा गरिएको छ ।

यसैगरी, ३६ वर्षीया महिलालाई बलात्कार गरेको आरोपमा प्रहरीले ३९ वर्षीय पतिलाई जेठ १३ गते गिरफ्तार गरेको छ ।

पीडितलाई आरोपितले जेठ ११ गते बलात्कार गरेको भन्दै पीडितले जेठ १२ गते इलाका प्रहरी कार्यालय, गणेशपुरमा उजुरी दिएको जिल्ला प्रहरी कार्यालयका डिएसपी धर्मराज भण्डारीले बताउनु भयो

पीडितको स्वास्थ्य परीक्षण जेठ १२ गते शिवराज अस्पताल बहादुरगञ्जमा गरिएको छ ।

पार्वती आचार्य