बलात्कार घटनाका आरोपित विरुद्ध उजुरी दर्ता

  ०७७ फागुन २९ गते

३० वर्षीया महिलालाई बलात्कार गरेको आरोपमा मेलुङ गाउँपालिका–१ का ५२ वर्षीय निलबहादुर बस्नेतविरुद्ध फागुन २६ गते जिल्ला प्रहरी कार्यालयमा उजुरी दर्ता भएको छ ।

पीडित महिलाले फागुन २० गते राति सुतेको कोठाको चुकुल फोडी भीत्र पसी बलात्कार गरेको भन्दै बस्नेत विरुद्ध २६ गते जिल्ला प्रहरी कार्यालयमा उजुरी दिएको इन्स्पेक्टर रुक्सा बज्राचार्यले बताउनु भयो ।

पीडित महिलाको स्वास्थ्य परीक्षण फागुन २६ गते चरिकोट प्रदेश अस्पतालमा गरिएको छ ।

आरोपित बस्नेत भने फागुन २१ गते घरभन्दा ५ सय मिटर टाडा मृत फेला परेको र मृतकको तर्फबाट किटानी जाहेरी नआएको इन्स्पेक्टर  बज्राचार्यले जानकारी दिनु भयो ।


उद्धव पोखरेल