बलात्कार घटनाका आरोपित विरूद्ध उजुरी

  ०७७ असार १६ गते

१५ वर्षीया बालिकालार्ई जेठ २५ गते बलात्कार गरेको आरोपमा धनगढीमाई नपा–१२ का ३२ वर्षीय लवकुश सदा विरुद्ध पीडित पक्षले इलाका प्रहरी कार्यालय लहानमा असार १४ गते उजुरी दिनु भएको छ ।

पीडित बालिकाले डरका कारण घटना बारे सुरूमा जानकारी नगराएको पीडित पक्षले जनाएको छ ।

पीडित बालिकाले असार १४ गते घटना बारे जानकारी गराए पछि सोही दिन उजुरी दिएको पीडित बालिकाका बुवाले इन्सेक सिरहा प्रतिनिधिलाई बताउनु भयो ।

इलाका प्रहरी कार्यालय लहानका डिएसपी शरत थापा क्षेत्रीका अनुसार आरोपित फरार रहेकोले खोज तलास भइरहेको छ ।

पीडित बालिकाको स्वास्थ्य परीक्षण लहानस्थित रामकुमार उमाप्रसाद अस्पतालमा असार १४ गते भएको छ ।


दुर्गा परियार