बलात्कार घटनाका आरोपित विरूद्ध उजुरी दर्ता

  ०७७ जेठ २१ गते

आठ वर्षीया  बालिका बलात्कार घटनाका आरोपित १३ वर्षीय  बालक विरूद्ध पीडित पक्षले जेठ १९ गते इलाका प्रहरी कार्यालय, बुटवलमा उजुरी दर्ता गराउनु भएको छ ।

पीडित एक्लै भएको बेलामा आरोपितले ०७७ वैैशाख २६ गते  बालिकाको मुखमा टेप लगाएर बलात्कार गरी सम्वेदनशील अङ्गमा लाठीले घोची दिएको थियो । आरोपितले  घटनाबारे कसैलाई भने मार्ने धम्की दिएका कारण पीडितले कसैलाई नबताएको पीडतकी दिदीले बताउनु भयो ।

घटनाको भोलीपल्ट वैशाख २७ गते उठन नसकेपछि उपचारकालागि लुम्बिनी प्रादेशिक अस्पताल, बुटवलमा उपचारका लागि लगिएकोमा  दुई दिन उपचारगरे पछि थप उपचारका लागि युनिभर्सल मेडिकल कलेज भैरहवामा रिफर गरिएको थियो ।

घटनामा  बालिकाको यौनाङ्ग च्यात्तिएको र मलद्वारमा  पनि समस्या देखिएपछि बाँया कम्मरको छेउबाट दिशा गर्नका लागि पाइप लगाइएको  पीडितकी दिदीले बताउनु भयो ।

बालिकाको युनिभर्सल मेडिकल कलेज भैरहवामा उपचार भइरहेको बेला घटना बाहिर आएपछि पीडितकी दिदीले इलाका प्रहरी कार्यालय बुटवलमा उजुरी दिनुभएको थियो ।

इलाका प्रहरी कार्यालय, बुटवलका डिएसपी प्रतितसिंह राठोरले उजुरीका आधारमा घटनाको अनुसन्धान अगाडि बढाइएको र आरोपितलाई गिरफ्तारका लागि  अनुमती माग गरिएकामा अनुमति नआएकोले अभिभावकको सङ्रक्षणमा राखेर घटनाको अनुसन्धान भइरहेको बताउनु भयो ।

पीडितको स्वास्थ्य परीक्षण जेठ १९ गते लुम्बिनी प्रादेशिक अस्पताल, बुटवलमा गरिएको प्रहरीले जनायो ।

 


रीमा बिसी