समाचारहरू

२२ वर्षीया युवतीलाई सामूहिक बलात्कार गरेको आरोपमा प्रहरीले असोज १४ गते चार जनालाई गिरफ्तार गरेको छ ।

असोज १३ गते धरानबाट विराटनगरका लागि छुटेको बसमा सवार युवतीलाई बाटोमा उत्रन नदिई इटहरी नपा–१० स्थित साथी फ्यूल सेण्टर लगि बसभित्रै बलात्कार गरेको आरोपमा प्रहरीले मोरङको सुन्दरहरैँचा नगरपालिका–१२ का ३३ वर्षीय विकास कसाई, झापाको सुरुङ्गा नगरपालिका–४ का २२ वर्षीय सुरज थापा, सिरहाको लहान नगरपालिका–४ का २७ वर्षीय सुरेन्द्र भुजेल र मोरङको बेलबारी नपा–७ का आशिष कार्कीलाई गिरफ्तार गरेको इलाका प्रहरी कार्यालय इटहरीका डिएसपी धर्मराज भण्डारीले बताए ।

घटनामा संलग्न सुमन मङ्ग्राती र नितेश घिमिरे फरार रहेको र उनीहरूको खोजी भइरहेको प्रहरीले जनाएको छ ।

पीडित युवतीको स्वास्थ्य परीक्षण तथा उपचार असोज १४ गते जिल्ला अस्पतालमा गरिएको छ ।

जयकृष्ण यादव