बलात्कार घटनाका आरोपित गिरफ्तार

  ०७६ असोज ८ गते

२१ वर्षीया महिलालाई बलात्कार गरेको आरोपमा प्रहरीले २२ वर्षीय पतिलाई असोज ७ गते गिरफ्तार गरेको छ ।

पीडित महिलालाई आरोपितले मादक पदार्थ सेवन गरी पटकपटक अप्राकृतिक मैथुन तथा बलात्कार गरेको र अन्तिम पटक भदौ ३१ गते बलात्कार तथा अप्राकृतिक मैथुन गरेको भन्दै पीडितले असोज ७ गते इलाका प्रहरी कार्यालय बुटवलमा उजुरी दिएकी थिइन् ।

पीडितले दिएको उजुरीका आधारमा प्रहरीले कारबाही अगाडि बढाएको इलाका प्रहरी कार्यालय बुटवलका डिएसपी भिमलाल भट्टराईले बताए ।

पीडित महिलाको स्वास्थ्य परीक्षण असोज ७ गते लुम्बिनी प्रादेशिक अस्पताल बुटवलमा गरिएको प्रहरीले जनायो ।


रीमा बि.सी.