बलात्कार घटनाका आरोपित गिरफ्तार

  ०७६ भदौ १३ गते

४० वर्षीया महिलालाई बलात्कार गरेको आरोपमा प्रहरीले दोलखा जिल्ला घर भई हाल भरतपुर महानगरपालिका–३ पुरानो सब्जिमण्डी बस्ने २४ वर्षीय सुनिल तामाङलाई भदौ ११ गते गिरफ्तार गरेको छ ।

पीडित महिलालाई आरोपितले भदौ १० गते रातिबाट ११ गतेसम्म कुटपिट गर्दै पटकपटक बलात्कार गरी गम्भीर घाइते बनाएको भन्दै पीडित पक्षले आरोपितविरूद्ध सोही दिन जिल्ला प्रहरी कार्यालय चितवनमा उजुरी दिएपछि उक्त उजुरीको आधारमा आरोपितलाई गिरफ्तार गरिएको सो कार्यालयका डिएसपी एकनारायण कोइरालाले बताए ।

बलात्कार तथा कुटपिटबाट गम्भीर घाइते भएकी पीडित महिलाको स्वास्थ्य परीक्षण भदौ ११ गते भरतपुर अस्पतालमा गरिएको र थप उपचारका लागि उनलाई अस्पतालमा नै भर्ना गरी उपचार भइरहेको प्रहरीले जनायो ।


दिपेन्द्र अधिकारी