बलात्कार घटनाका आरोपित गिरफ्तार

  ०७६ साउन २४ गते

१८ वर्षीया युवतीलाई बलात्कार गरेको आरोपमा प्रहरीले जिल्ला सप्तरी स्थायी घर भई अस्थायी प्रहरी चौकी श्रीपुरमा कार्यरत प्रहरी जवान प्रकाशकुमार यादवलाई साउन २३ गते गिरफ्तार गरेको छ ।

 

पीडित युवतीलाई आरोपितले पटकपटक बलात्कार गर्दै आएको र अन्तिम पटक साउन २१ गते बलात्कार गरेको आरोपमा पीडित पक्षले साउन २३ गते प्रहरीमा उजुरी दिएपछि अनुसन्धानका लागि गिरफ्तार गरिएको डिएसपी पुष्पराज मल्लले बताए ।

पीडित युवतीलाई आरोपितले साउन २ गते विवाह गर्ने प्रलोभनमा बलात्कार गरेको र त्यसपछि कसैलाई भने मारी दिने धम्की दिएर पटकपटक बलात्कार गरेको पीडित युवतीले बताएकी छन् ।

 

महिला अधिकारकर्मीको सहयोगमा आरोपितविरूद्ध प्रहरीमा उजुरी दर्ता भएको हो । पीडित युवतीको स्वास्थ्य परीक्षण जिल्ला अस्पतालमा साउन २२ गते गरिएको छ ।


शिवप्रसाद ढुङ्गाना