बलात्कार घटनाका आरोपित गिरफ्तार

  ०७६ साउन २३ गते

१८ वर्षीया युवतीलाई बलात्कार गरेको आरोपमा प्रहरीले नवलपरासी जिल्ला वर्दघाट नपा–३ घर भई हाल भरतपुर महानगरपालिका बस्ने ५० वर्षीय दुर्गा केसीलाई साउन २२ गते गिरफ्तार गरेको छ ।

पीडित बलिकालाई आरोपितले ०७५ पुसदेखि पटकपटक बलात्कार गर्दै आएको र पछिल्लो पटक साउन १० गते बलात्कार गरेको भन्दै पीडित पक्षले आरोपितविरूद्ध साउन २१ गते जिल्ला प्रहरी कार्यालय चितवनमा उजुरी दिएको छ ।

उक्त उजुरीका आधारमा आरोपितलाई गिरफ्तार गरिएको जिल्ला प्रहरी कार्यालयका डिएसपी एकनारायण कोइरालाले बताए ।

पीडित बालिकाको स्वास्थ्य परीक्षण साउन २२ गते भरतपुर अस्पतालमा गरिएको प्रहरीले जनायो ।


दिपेन्द्र अधिकारी