बलात्कार घटनाका आरोपित गिरफ्तार

  ०७६ असार २४ गते

२१ वर्षीया युवतीलाई बलात्कार गरेको आरोपमा प्रहरीले इलाम जिल्ला चुलाचुली गाउँपालिका–६ स्थायी घर भई उर्लावारी नगरपालिका–१ मा बस्दै आएका २१ वर्षीय सङ्गम राईलाई असार २२ गते गिरफ्तार गरेको छ ।

फेसबुकमा साथी भएर गफगाफ गर्ने गरेका आरोपितले खेतमा काम गरेर फर्कँदै गरेको अवस्थामा असार २० गते बलात्कार गरेको पीडितले बताइन् ।

पीडित पक्षले आरोपितविरूद्घ असार २१ गते इलाका पहरी कार्यालय उर्लावारीमा उजुरी दिएपछि अनुसन्धानका लागि गिरफ्तार गरिएको जिल्ला प्रहरी कार्यालयका डिएसपी घनश्याम श्रेष्ठले बताए ।

पीडित युवतीको स्वास्थ्य परीक्षण कोशी अञ्चल अस्पतालमा असार २१ गते गरिएको छ ।


इन्दिरा भट्टराई