बलात्कार घटनाका आरोपित गिरफ्तार

  ०७६ जेठ ३२ गते

१७ वर्षीया बालिकालाई बलात्कार गरेको आरोपमा महाकाली नगरपालिका–२ का २० वर्षीय महेश दमाईलाई प्रहरीले जेठ ३० गते गिरफ्तार गरेको छ ।

पीडित बालिकालाई आरोपितले ०७५ फागुन २८ गते बलात्कार गरेको भन्दै चैत २ गते उजुरी परेपछि प्रहरीले दमाईलाई गिरफ्तार गरेको हो ।

जबरजस्ती करणी गरी फरार रहेका दमाईलाई विशेष सुराकीको अधारमा प्रहरीले घरबाटै गिरफ्तार गरेको जिल्ला प्रहरी कार्यालयका इन्स्पेक्टर हिक्मतबहादुर बोहराले जानकारी दिए । तीन महिनासम्म फरार रहँदै आएका दमाई घर आएको बेला गिरफ्तारीमा परेका हुन् ।

उनलाई प्रहरी चौकी दल्लेखबाट खटिएको प्रहरी टोलीले गिरफ्तार गरेको हो । पीडित बालिकाको स्वास्थ्य परीक्षण जिल्ला अस्पतालमा चैत १ गते गरिएको थियो ।


नरेन्द्रसिंह कार्की