बलात्कार घटनाका आरोपित गिरफ्तार

  ०७६ वैशाख २९ गते

३१ वर्षीया महिलालाई बलात्कार गरेको आरोपमा प्रहरीले सन्धिखर्क नपा–१२ डिभर्नाका ३९ वर्षीय प्रेमबहादुर खड्कालाई वैशाख २७ गते गिरफ्तार गरेको प्रहरीले जनाएको छ ।

कपिलवस्तु बुद्धभूमि नपाबाट कामको सिलसिलामा सन्धिखर्क आएकी महिलालाई वैशाख २६ गते बलात्कार गरेको भन्दै पीडितले वैशाख २७ गते जिल्ला प्रहरी कार्यालयमा उजुरी दिएकी थिइन् ।

पीडित महिलाको उजुरीका आधारमा आरोपितलाई अनुसन्धानका लागि सन्धिखर्क शान्ति बगैँचास्थित होटल क्याराभानबाट गिरफ्तार गरिएको जिल्ला प्रहरी कार्यालयका इन्स्पेक्टर गम्भीरजङ्ग थापाले बताए । पीडित महिलाको स्वास्थ्य परीक्षण वैशाख २७ गते जिल्ला अस्पतालमा गरिएको प्रहरीले जनाएको छ ।


नारायण भुसाल