बलात्कार घटनाका आरोपित गिरफ्तार

  ०७३ भदौ ६ गते

११ वर्षीया बालिकालाई बलात्कार गरेको आरोपमा दाङसिङ-८ का ३८ वर्षीय बद्री श्रेष्ठलाई प्रहरीले भदौ ४ गते गिरफ्तार गरेको छ ।

गत साउन २९ गते बालिका घरमै बसिरहेको बेला श्रेष्ठले बलात्कार गरेको भन्ने जिल्ला प्रहरी कार्यालयमा भदौ ४ गते मौखिक उजुरी आए पछि प्रहरीले आरोपितलाई सोही दिन गिरफ्तार गरी अनुसन्धान थालेको प्रहरी निरीक्षक जितेन्द्र बस्नेतले जानकारी दिए ।

आरोपित श्रेष्ठ र पीडित बालिकाको भदौ ५ गते त्रिशूली जिल्ला अस्पतालमा स्वास्थ्य परीक्षण गरिएको छ । पीडित पक्षले भदौ ५ गते जिल्ला प्रहरी कार्यालयमा लिखित जाहेरी दिएको प्रहरीले जनाएको छ । आरोपितलाई भदौ ५ गते जिल्ला अदालत नुवाकोटबाट अनुसन्धानको लागि एक साता थुनामा राख्ने म्याद दिएको प्रहरीले जनाएको छ ।


नवदीप श्रेष्ठ