बलात्कार घटनाका आरोपित गिरफ्तार

  ०७५ माघ २३ गते

१५ वर्षीया बालिकालाई बलात्कार गरेको आरोपमा प्रहरीले भारतको विहार स्थायी घर भई माई नगरपालिका–३ बस्दै आएका २६ वर्षीय मुर्सिल खानलाई माघ २३ गते गिरफ्तार गरेको छ ।

विद्यालय जाँदै गरेकी बालिकालाई माघ २१ गते बलात्कार गरेको आरोपमा पीडित पक्षले आरोपितविरूद्घ माघ २२ गते प्रहरीमा उजुरी दिएपछि आरोपितलाई गिरफ्तार गरिएको जिल्ला प्रहरी कार्यालयका एसपी माधव श्रेष्ठले बताए ।

आरोपितविरूद्घ प्रहरीले माघ २३ गते जिल्ला अदालतमा जबरजस्ती करणी शीर्षकमा मुद्दा दर्ता गरी कारवाही अघि बढाएको छ । पीडित बालिकाको स्वास्थ्य परीक्षण माघ २२ गते जिल्ला अस्पतालमा गरिएको छ ।


कोकिला ढकाल