बलात्कार घटनाका आरोपित गिरफ्तार

  ०७५ माघ १९ गते

१७ वर्षीया बालिकालाई बलात्कार गरेको आरोपमा प्रहरीले भारत बिहार घर भई हाल विनयी त्रिवेणी गाउँपालिका–७ बस्ने ३० वर्षीय दिपेन्द्र मल्लाहालाई माघ १८ गते गिरफ्तार गरेको छ ।

पीडित बालिकालाई आरोपितले कात्तिक २७ गते बलात्कार गरेको आरोपमा पीडित पक्षले माघ १८ गते जिल्ला प्रहरी कार्यालय नवलपरासी (बर्दघाट सुस्ता पूर्व)मा उजुरी दिएको थियो ।

पीडित बालिकाको स्वास्थ्य परीक्षण माघ १९ गते जिल्ला अस्पताल भरतपुर, चितवनमा गरिएको जिल्ला प्रहरी कार्यालयका डिएसपी लिलाराज लामिछानेले बताए ।


तिर्थराज डुम्रे