बलात्कार घटनाका आरोपित गिरफ्तार

  ०७५ पुस २६ गते

सात वर्षीया बालिकालाई बलात्कार गरेको आरोपमा निजगढ नपा–४ का ३० वर्षीय श्रवणकुमार प्रधानलाई इलाका प्रहरी कार्यालय निजगढले १५ महिनापछि पुस २४ गते गिरफ्तार गरेको छ ।

जिल्ला प्रहरी कार्यालय बाराका एसपी सानुराम भट्टराईले पुस २५ गते प्रेस विज्ञप्तिमार्फत सो जानकारी दिएका हुन् ।

०६७ जेठ २६ गते जिल्ला अदालतले आरोपितलाई पाँच वर्ष कैद हुने फैसला गरेकोमा सर्वोच्च अदालतले जिल्ला अदालतको फैसलालाई सदर हुने गरी ०७४ असोज २९ गते फैसला गरेको थियो ।

आरोपितलाई बारा जिल्ला अदालतको आदेश अनुसार कैद भुक्क्तानीका लागि असोज २५ गते जिल्ला कारागार वीरगञ्ज पठाएको जिल्ला प्रहरी कार्यालयका एसपी भट्टराइले बताए ।

पीडित बालिकालाई आरोपितले ०६५ मङ्सिर २१ गते बलात्कार गरेको भन्दै ०६५ पुस १३ गते इलाका प्रहरी कार्यालय निजगढमा उजुरी परेको थियो । पीडित बालिकाको स्वास्थ्य परीक्षण कलैया अस्पतालमा ०६५ मङ्सिर २१ नै गरिएको थियो ।


भोलानाथ पौडेल