बलात्कार घटनाका आरोपित गिरफ्तार

  ०७५ मङ्सिर २५ गते

११ वर्षीया बालिकालाई बलात्कार गरेको आरोपमा प्रहरीले कावासोती नपा–३ का ३६ वर्षीय ओमराज श्रेष्ठलाई मङ्सिर २४ गते गिरफ्तार गरेको छ ।

पीडित बालिकालाई आरोपितले मङ्सिर २४ गते बलात्कार गरेको भनी पीडित पक्षले सोही समय प्रहरीमा खबर गर्दै मङ्सिर २५ गते लिखित उजुरी दिएको थियो ।

पीडित पक्षको उजुरीका आधारमा आरोपितलाई अनुसन्धानका लागि गिरफ्तार गरिएको जिल्ला प्रहरी कार्यालय, नवलपरासी (बर्दघाट सुस्ता पूर्व) डिएसपी लिलाराज लामिछानेले जानकारी दिए ।

पीडित बालिकाको स्वास्थ्य परीक्षण मङ्सिर २५ गते भरतपुर अस्पताल चितवनमा गरिएको प्रहरीले जनाएको छ ।


तिर्थराज डुम्रे