बलात्कार घटनाका आरोपित गिरफ्तार

  ०७७ मङ्सिर १६ गते

६ वर्षीया बालिकालाई बलात्कार गरेको आरोपमा प्रहरीले भारतको मुज्जफरपुर घर भइ हाल सर्लाहीस्थित ससुराली घरमा बस्दै आएका ३५ वर्षीय बाबुलाई मङ्सिर १६ गते गिरफ्तार गरेको छ ।

पीडित बालिकालाई आरोपितले पटकपटक बलात्कार गरेको आरोपमा मङ्सिर १४ गते इलाका प्रहरी कार्यालय हरिपुरमा निवेदन दिएको पीडितकी आमाले बताइन् ।

बालिकालाई आरोपितले पछिल्लो पटक मङ्सिर १२ गते बलात्कार गरेको भन्दै उजुरी परेपछि आरोपितलाई अनुसन्धानका लागि गिरफ्तार गरेको इलाका प्रहरी कार्यालय हरिपुरका इन्स्पेक्टर विक्रम साहले बताउनु भयो ।

पीडित बालिकाको स्वास्थय परीक्षण जिल्ला अस्पताल मलङ्गवामा मङ्सिर १४ गते गरिएको छ ।


बुधन साह