समाचारहरू

२६ वर्षीया महिलालाई सामूहिक बलात्कार गरेका आरोपितमध्ये प्रहरीले महदेवा गाउँपालिका–६ का २२ वर्षीय नुनु मण्डललाई कात्तिक १८ गते गिरफ्तार गरेको छ ।

पीडितले दिएको उजुरीका आधारमा आरोपित मण्डललाई गिरफ्तार गरी अन्य दुई जना आरोपितको खोजी भइरहेको जिल्ला प्रहरी कार्यालयका एसपी राजेन्द्रप्रसाद धमलाले इन्सेक प्रतिनिधिलाई बताउनु भयो ।

राजविराजबाट विजुलीको बिल तिरेर घर फर्कने क्रममा आरोपित मण्डलसहित सोही ठाउँका २१ वर्षीय पप्पु मण्डल र ३० वर्षीय अनिल मण्डलले सातैन मण्डलको आँप बगैँचामा कात्तिक १६ गते बलात्कार गरेको भन्दै पीडितले जिल्ला प्रहरी कार्यालयमा कात्तिक १७ गते उजुरी दिएकी थिइन् ।

पीडित महिलाको स्वास्थ्य परीक्षण राजविराजस्थित गजेन्द्रनारायण सिंह अस्पतालमा कात्तिक १७ गते गरिएको छ ।

मनोहरकुमार पोखरेल