समाचारहरू

१४ वर्षीया बालिकालाई बलात्कार गरेको आरोपमा प्रहरीले मिर्चैया नपा–३ का ५० वर्षीय भोला साहलाई कात्तिक ६ गते गिरफ्तार गरेको छ ।

पीडित बालिकालाई आरोपितले कात्तिक ५ गते बलात्कार गरेकोले कारवाहीका लागि इलाका प्रहरी कार्यालय मिर्चैयामा कात्तिक ६ गते उजुरी हालेको पीडित बालिकाकी आमाले बताउनु भयो ।

पीडित बालिकाको स्वास्थ्य परीक्षण जिल्ला अस्पताल सिरहामा कात्तिक ६ गते गरिएको छ । इलाका प्रहरी कार्यालय मिर्चैयाका डिएसपी सन्तुलालप्रसाद जैसवारका अनुसार घटनाको जानकारी हुनासाथ आरोपितलाई गिरफ्तार गरी कारवाही प्रक्रिया अगाडि बढाइएको छ ।

दुर्गा परियार