बलात्कार घटनाका आरोपित गिरफ्तार

  ०७७ असोज १३ गते

१५ वर्षीय बालिकालाई असोज १२ गते बलात्कार गरेको आरोपमा प्रहरीले कटहरिया नपा–१ भसेढवा परसवनी टोलका ३५ वर्षीय इन्दल दासलाई सोही दिन गिरफ्तार गरेको इलाका प्रहरी कार्यालय गरुडाका डिएसपी रवि रवालले जानकारी दिनुभएको छ ।

पीडित बालिकाको बुबाले प्रहरीलाई खबर गरेपछि इलाका प्रहरी कार्यालय कटहरियाबाट सई लतिफ अन्सारीको कमाण्डमा गएको टोलीले आरापित दासलाई उनको घरबाट गिरफ्तार गरेको सई अन्सारीले बताउनु भयो ।

पीडित बालिकाका बुवाले इलाका प्रहरी कार्यालय गरुडामा असोज १३ गते उजुरी दिएपछि आरोपितविरुद्ध जबरजस्ती करणी मुद्दा दर्ता गरिएको डिएसपी रबि रवालले जानकारी दिनु भयो ।

पीडित बालिकाको स्वास्थ्य परीक्षण जिल्ला अस्पताल गौरमा असोज १३ गते भएको छ ।


कोपिला तिमल्सिना