बलात्कार घटनाका आरोपित गिरफ्तार

  ०७७ साउन १२ गते

१६ वर्षीया बालिकालाई बलात्कार गरेको घटनाका आरोपित खार्पुनाथ गाउँपालिका–४ माझा गाउँका २७ वर्षीय गोविन्द सुनारलाई प्रहरीले ०७७ साउन ९ गते गिरफ्तार गरेको छ ।

आरोपितले ०७६ साउन ३१ गते पीडित बालिकालाई बलात्कार गरेको भन्दै पीडित पक्षले ०७७ वैशाख  १७ गते जिल्ला प्रहरी कार्यालय हुम्लामा उजुरी गरेको थियो ।

उजुरी पहिले आएपनि आरोपित जुम्लास्थित नेपाली सेनामा कार्यरत भएका कारण गिरफ्तार गर्न ढिला भएको र साउन ९ गते जुम्लाबाटै नियन्त्रणमा लिएर सुर्खेत हुँदै हवाई जहाजद्वारा हुम्ला पुर्‍याएको डिएसपी सुर्यप्रकास सुवेदीले बताउनुभयो ।

आरोपितलाई ७ दिनको म्याद थप गरि प्रहरीको हिरासतमा राखेर अनुसन्धान भइरहेको डिएसपी सुवेदीको भनाई छ ।

पीडित बालिकाको स्वास्थ परीक्षण वैशाख २५ गते जिल्ला स्वास्थ्य सेवा कार्यालय हुम्लामा गरिएको डाक्टर अमित विष्टले बताउनुभयो ।


नन्द सिंह