बलात्कार घटनाका आरोपित गिरफ्तार

  ०७७ भदौ २६ गते

१३ वर्षीया बालिकालाई बलात्कार गरेको आरोपमा ज्वालामूखी गाउँपालिका–१ का २२ वर्षीय सुमन कुमाललाई प्रहरीले ०७७ भदौ २६ गते गिरफ्तार गरेको छ ।

पीडित परिवारले भदौ २६ गते आरोपित विरुद्ध उजुरी दिएपछि गिरफ्तार गरी जबरजस्ती करणी मुद्दा दर्ता गरिएको जिल्ला प्रहरी कार्यालयका प्रहरी निरीक्षक सरोज राईले जानकारी दिनुभयो ।

पीडितलाई ललाई फकाई घरमा बोलाएर पटक/पटक बलात्कार गर्ने गरेको र पछिल्लो पटक भदौ १२ गते बलात्कार गरेको पीडित पक्षको आरोप छ ।

बालिकाको धादिङ अस्पतालमा भदौ २६ गते स्वास्थ्य परीक्षण गरिएको छ । बालिकालाई महिला सुरक्षा घर (सेफ हाउस) मा पठाइएको छ ।


सीताराम अधिकारी