बलात्कार घटनाका आरोपित गिरफ्तार

  ०७७ भदौ २६ गते

१५ वर्षीया बालिकालाई साउन ५ गते बलात्कार गरेको आरोपमा प्रहरीले लालबन्दी नपा–७ का २५ वर्षीय सुमन बिकलाई भदौ २५ गते गिरफता्र गरेको छ ।

आरोपित बिकलाई लालबन्दी नगरपालिका अन्तर्गत परवानीपुरबाट गिरफ्तार गरेको इलाका प्रहरी कार्यालय लालबन्दीका इन्स्पेक्टर नारायण थापाले बताउनु भयो ।

लालबन्दीस्थित एक होटलमा भाँडा माझ्ने मजदुरी गर्दै आएकी बालिकालाई विवाह गर्ने प्रलोभन देखाएर आरोपित र लालबन्दी नपा–७ का २७ वर्षीय रामबहादुर पराजुलीले बलात्कार गरेको आरोप लगाउँदै इलाका प्रहरी कार्यालय लालबन्दीमा पीडित पक्षले साउन ७ गते उजुरी दिएको थियो ।

पीडित बालिकाको स्वास्थ्य परीक्षण सोही दिन जिल्ला अस्पताल मलङ्गवामा भयो । आरोपित पराजुलीको खोजी कार्य जारी रहेको इन्स्पेक्टर थापाले बताउनु भयो ।


बुधन साह