बलात्कार घटनाका आरोपित गिरफ्तार

  ०७७ असार २४ गते

१३ वर्षीया बालिकालाई प्रलोभनमा पारी बलात्कार गरेको आरोपमा प्रहरीले धनकुटा नगरपालिका–६ का १८ वर्षीय विकेश खत्रीलाई असार २४ गते गिरफ्तार गरेको छ ।

आरोपितले पीडित बालिकालाई असार २० गते बलात्कार गरेको आरोपमा असार २३ गते जिल्ला प्रहरी कार्यालयमा उजुरी दिएको पीडित बालिकाकी आमाले इन्सेक प्रतिनिधिसँगको फोन सम्पर्कमा बताउनुभयो ।

आरोपितविरूद्ध पीडित पक्षको उजुरीपछि अनुसन्धानका लागि गिरफ्तार गरेको जिल्ला प्रहरी कार्यालयका एसपी गोविन्द अधिकारीले बताउनुभयो ।

पीडित बालिकाको स्वास्थ्य परीक्षण जिल्ला अस्पतालमा असार २३ गते गरिएको छ ।


ईश्वर थापा