बलात्कार घटनाका आरोपित गिरफ्तार

  ०७७ भदौ १२ गते

२४ वर्षीया युवतीलाई बलात्कार गरेको आरोपमा जिल्ला प्रहरी कार्यालय म्याग्दीको प्रहरीले धौलागिरी गाउँपालिका–४ मुदीका ३४ वर्षीय केशब घर्तीलाई भदौ ११ गते गिरफ्तार गरेको छ ।

पीडितलाई आरोपितले ०७७ जेठ १६ गते बलात्कार गरेको भन्दै पीडितकी आमाले ०७७ भदौ ९ गते जिल्ला प्रहरी कार्यालय म्याग्दीमा उजुरी दिएकी थिइन ।

पीडितले घटनाको बारेमा कसैलाई नबताएको र पछि स्वास्थ्य समस्या देखा परेपछि पीडितले स्वास्थ्य परीक्षण गराउँदा उनको गर्भ रहेको पत्ता लागेपछि घटना बाहिर आएको पीडितकी आमाले बताउनुभएको जिल्ला प्रहरी कार्यालय म्याग्दीका इन्स्पेक्टर ध्रुव प्रसाद शर्माले इन्सेक प्रतिनिधिलाई बताउनुभयो ।

जिल्ला सरकारी वकिल कार्यालय म्याग्दीका न्यायधिवक्ता प्रकाश कोइरालाका अनुसार आरोपितविरुद्ध भदौ १२ गते जिल्ला अदालत म्याग्दीबाट ७ दिनको म्याद थप गराइ अनुसन्धान अगाडी बढाइएको छ ।

पीडितको स्वास्थ्य परीक्षण  भदौ ११ गते बेनी अस्पताल गरिएको अस्पतालका सूचना अधिकारी प्रकाश सुवेदीले बताउनुभयो ।


अमृत बास्कुने