बलात्कार घटनाका आरोपित गिरफ्तार

  ०७७ असार २१ गते

१४ वर्षीय बालिकालाई असार १० गते राती बलात्कार गरेको आरोपमा जलेश्वर नपा–३ मलिवारा बस्ने ४५ वर्षीय रजाबुल अन्सारीलाई असार २१ गते जिल्ला प्रहरी कार्यलयबाट खटिएको प्रहरी टोलीले गरिफ्तार गरेको छ ।

शौच गर्न घर बाहिर निस्केको बेला आरोपित अन्सारीले बलात्कार गरेको भन्दै पीडित पक्षले असार २० गते जिल्ला प्रहरी कार्यालय महोत्तरीमा उजुरी दिएको डीएसपी प्रकाश भट्टराइले बताउनु भयो ।

पीडित बालिकाको स्वास्थ्य परीक्षण जलेश्वर अस्पतालमा असार २० गते भएको उहाँले जानकारी दिनु भयो ।

घटना बारे कसैलाई भनेको खण्डमा मार्ने धम्की दिएकाले डरले कसैलाई बताउन नसकेको पीडित बालिकाले बताउनु भयो ।

आरोपितले सो घटना बारे स्थानीय केही व्यक्तिहरूलाई बताएपछि छोरीसँग सोधपुछ गर्दा घटना बारे जानकारी पाएको पीडितका बुवाले बताउनु भयो ।


अजयकुमार साह