समाचारहरू

१९ वर्षीया युवतीलाई बलात्कार गरेको आरोपमा प्रहरीले कोटहीमाई गाउँपालिका–५ मझगाँवाका २२ वर्षीय  इन्तियाज अली धोवीलाई असार ८ गते मझगाँवाबाट गिरफ्तार गरेको छ ।

पीडितलाई द्वयले जेठ ३० गते शौचालय जान  निस्किएको बेला सामूहिक बलात्कार गरेको भन्दै पीडितले  असार ५ गते इलाका प्रहरी कार्यालयमा  उजुरी दिनुभएको थियो ।

पीडितले दिएको उजुरीका आधारमा कारवाही अगाडि बढाइएको र घटनामा सङ्लग्न अर्का आरोपित सोही ठाउँका २० वर्षीय किस्मत अली धोवी फरार रहेकाले खोजी भइरहेको इन्सपेक्टर चित्र बहादुर घलेले इन्सेक प्रतिनिधिसँगको फोन सम्पर्कममा बताउनु भयो । राती शौचालय गएको अवस्थामा घटना भएको पीडितका बुवाले इन्सेक प्रतिनिधिसँगको फोन सम्पर्कमा बताउनु भयो ।

पीडितको स्वास्थ्य परीक्षण असार ५ गते भीम अस्पताल भैरहवामा गरिएको छ ।

रीमा बिसी